गरोदरपणात उलट्या कसे थांबवायचे घरगुती उपाय?

प्रेग्नेंसीमध्ये सतत उलट्या होत आहेत? दुर्लक्ष न करता करा हे उपाय!
प्रेग्नेंसीच्या सुरुवातीपासूनच गर्भवती महिलांना वारंवार उलट्या होणं ही अगदीच सामान्य बाब आहे. पण अशा अवस्थेत गर्भवती महिलांनी बाहेरची औषधं खाणं घातक ठरु शकतं. त्यामुळे या समस्येचा उपचार हा घरच्या घरी केला गेला पाहिजे.
गरोदर स्त्रीला उलटी आणि मळमळणं हा त्रास सतावणे ही एक सामान्य समस्या आहे. गरोदरपणाच्या पहिल्या महिन्यापासून ते पुढील तीन महिन्यापर्यंत स्त्रियांना उलटीचा त्रास होऊ शकतो. काही स्त्रियांना वारंवार उलटी झाल्याने शरीरात पाण्याची कमतरता निर्माण होते तर काही स्त्रियांना खूप थकवा जाणवू लागतो. हार्मोनल बदल, मूड स्विंग्स आणि थकव्यामुळे गरोदर स्त्रियांना मळमळ आणि उलटी होऊ शकते. परंतु असा त्रास झाल्यास घाबरून जाण्याची गरज नाही कारण काही घरगुती उपाय वापरून गरोदर स्त्री गरोदरपणातील मोर्निंग सिकनेस आणि उलटीवर उपाय करू शकते. जेव्हा गरोदर स्त्रीला उलटी वा मळमळीचा त्रास होईल तेव्हा तिने संत्र्याचा ज्यूस अवश्य प्यावा. संत्र्याचा ज्यूस ताजा आणि सिट्रीक सुवास असणारा असतो यामुळे उलटी थांबण्यास मदत होते. याशिवाय सुद्धा अनेक घरगुती उपाय आहे जे स्त्री ट्राय करून पाहू शकते. चला तर जाणून घेऊया अजून काही उपयुक्त उपाय!
आले

गरोदरपणात उलटी रोखण्यासाठी आल्याचा वापर करता येतो. एक कप गरम पाण्यात सहा मिनिटे एक ते दोन इंच आले उकळून घ्या. नंतर हे पाणी थंड होऊ द्या आणि मग हे पाणी गाळून घेऊन त्यात मध टाकून प्या. तुम्ही दिवसातून दोन ते तीन वेळा अशा प्रकारचा चहा बनवून त्याचे सेवन करू शकता. यामुळे काही वेळातच फरक दिसून उलटीचा त्रास कमी होईल आणि मळमळणार सुद्धा नाही.
पुदिनाची पाने

गरोदरपणात उलटी पासून बचाव करायचा असेल तर मुठभर पुदिनाची पाने घेऊन एक कप पाण्यात दहा मिनिटे ती उकळून घ्या. आता पाणी काही वेळ थंड होऊ द्या आणि मग हे पाणी गाळून घ्या. आता या पाण्यात थोडे मध टाकून घोट घोट पाणी प्या. तुम्ही शक्य असल्यास पुदिनाची पाने चावून सुद्धा उलटी थांबवू शकता. हा उपाय दिवसातून दोनदा तरी करावा म्हणजे तुम्हाला त्याचा चांगला परिणाम दिसून येईल.
अ‍ॅपल सायडर व्हिनेगर

गरोदरपणात उलटी बंद करण्यासाठी एक चमचा अ‍ॅपल सायडर व्हिनेगर हे एक ग्लास थंड पाण्यात मिक्स करा. यात मध टाका आणि हे पाणी रोज प्या. रोज रात्री या पाण्याचे सेवन केल्याने गरोदरपणात होणारी उलटीची समस्या बंद होऊ शकते. अ‍ॅप्पलसायडर व्हिनेगर हे शरीराचं पीएच लेव्हल संतुलित राखते आणि पोटात असलेले अ‍ॅसिड नष्ट करते. हा उपाय गरोदर स्त्रियांना उलटी आणि मळमळ होण्यापासून वाचवतो.
किवी

उलटी रोखण्यसाठी 1 ते 2 किवी आणि एक कप पाणी घ्या. शक्य असल्यास एक केळे आणि मध सुद्धा तुम्ही घेऊ शकता. किवी कापून ते केळे आणि पाणी यासोबत चांगले मिक्स करून घ्या. आता यात मध मिसळून सेवन करा. तुम्ही किविचे फळ कच्चे सुद्धा खाऊ शकता. जेव्हा कधी तुम्हाला उलटी किंवा मळमळ होतेय असं वाटत असेल तर हा उपाय नक्की करा. किवीमध्ये फोलेट मोठ्या प्रमाणावर असते. गरोदर स्त्रियांसाठी हे तत्व खूप पोषक असते.
लवंग

उलटी रोखण्यासाठी दोन ते तीन लवंग घ्या आणि त्याला एक कप पाण्यात दहा मिनिटे उकळून घ्या. हे पाणी गाळून काही वेळ त्याला थंड होऊ द्या. आता या पाण्यात थोडे मध मिसला आणि लवंगाचा हा चहा प्या. तुम्ही दिवसातून दोन वेळा हा चहा प्यायल्यास चांगला फरक दिसून येईल. लवंग मध्ये एगुनोल असते ज्याचा सुवास आणि फ्लेवर उलटी रोखण्यासाठी मदत करतो. तर मंडळी हे आहेत साधे सोपेउपाय जे गरोदर स्त्रीला उलटी आणि मळमळीचा त्रास झाल्यास घरच्या घरी करता येऊ शकतात. तुमच्या ओळखीच्या लोकांसह सुद्धा ही माहिती शेअर करा जेणेकरून ते सुद्धा गरज पडल्यास हे उपाय वापरून गरोदर स्त्रीला उलटी आणि मळमळीच्या त्रासापासून मुक्त करू शकतात.